غرامك صار عنواني وانا قبلك بلا عنوان

غرامك صار عنواني وأنا قبلك بلا عنوان

أحبك كثر مالدنيا تجور وفرقت خلان

أحبك كثر ماالقمري يحن ويلحق اسرابه

أحبك كثر مامالت على متون الهوا أغصان

أحبك كثر ماطفل منامه داعب اهدابه

أحبك كثر مااخطيت واقول آسف أنا الغلطان

ودور لك عذر يوفي قبل ماتبديبه ابدابه

أحبك كثر ماغبت كثر مابالحشا نيران

كثر ماالهم في صدري يهيم ونوخ اركابه

أنا صحرا بلا حبك يموت ابهالشجر عطشان

أنا لوما قصيدي فيك اقول ناري اولابه

إذا كلمة (حبيبي) لك تهز لهيبتي اركان

اقول اليوم ياعونك وعزي كامل انصابه

أحبك حب ماحبه على مر الزمن إنسان

أحبك لو على موت... هلا بالموت واسبابه

(غرامك صار عنواني واناقبلك بلا عنوان )

مثل من ضيع اوطانه وضاع وضيع احبابه

ألاياحبي الاول كفانا مامضى هجران

تعال وارحم قلب لغيرك مافتح بابه